Bank müştərilərinə əlverişli şərtlərlə İpoteka krediti təklif edir. Belə ki, siz arzuladığınız evi 300 aya qədər müddətə və 8% illik faiz dərəcəsi əldə edə bilərsiniz. 30% ilkin ödənişlə və güzəştli şərtlərlə İpoteka krediti əldə etmək üçün internet saytımıza keçid edə bilərsiniz.

Bank İpoteka kreditini həm də güzəştli şərtlərlə təqdim edir. Güzəştli İpoteka krediti aşağıdakı şəxslərə verilir:

Şəhid ailəsinin üzvünə 

Milli Qəhrəmana

Məcburi köçkünə

Ən azı 3 il dövlət qulluğunda qulluq edənə

Fəlsəfi doktorluq elmi dərəcəsi olana və digər şəxslərə.

Bankın İpoteka kreditini əldə etmək üçün evinizi tərk etmədən müraciət edə bilərsiniz. Kredit sifarişi üçün saytımıza keçid edin.

Tələb olunan sənədlər:

1.    Borcalanın (borcalanların) şəxsiyyətini təsdiq edən sənəd və sənədin surəti;
2.    Nikah (və ya nikahın pozulması) haqqında şəhadətnamə və sənədin surəti;
3.    Borcalanın (borcalanların) yetkinlik yaşına çatmamış ailə üzvlərinin şəxsiyyət vəsiqələri və ya doğum haqqında şəhadətnamələri və həmin sənədlərin surəti;
4.    Borcalanın (borcalanların) iş yerini və gəlirlərini təsdiq edən sənədlər;
5.    Şəxsin güzəştli kateqoriyaya aid olduğunu təsdiq edən sənəd (şəxs güzəştli kateqoriyaya aid olduqda).

Borcalan (borcalanlar) fərdi sahibkar olduqda:
6.    Sahibkarın vergi orqanlarında qeydiyyatdan keçdiyi barədə şəhadətnamənin surəti;
7.    Vergi orqanları tərəfindən qəbul olunmuş gəlir vergisi və ya sadələşdirilmiş vergi bəyannaməsi.
 

Güzəştlərdən kimlərin istifadə etmək hüququ var:

Gənc ailənin üzvü olan aşağıdakı şəxslər:

• Şəhid ailəsinin üzvü (əri/arvadı, övladları);
• Milli Qəhrəman (özü, əri/arvadı, övladları);
• Məcburi köçkün və ya ona bərabər tutulan şəxs;
• Ən azı 3 il dövlət qulluğunda qulluq edən, o cümlədən dövlət qulluğunun xüsusi növündə xidmət keçən şəxs;
• Ən azı 3 il dövlət ümumtəhsil müəssisəsində müəllim işləyən şəxs;
• Fəlsəfə doktoru elmi dərəcəsi olan şəxs;
• İdman sahəsində xüsusi xidmətləri olan şəxs (fəxri bədən tərbiyəsi və idman xadimi, ölkə miqyaslı yarışların qalibi (I yer), beynəlxalq miqyaslı yarışların mükafatçısı (I, II və ya III yer).
• Elmlər doktoru elmi dərəcəsi olan şəxs;
• Ən azı 15 il dövlət qulluğunda qulluq edən şəxs, o cümlədən dövlət qulluğunun xüsusi növündə xidmət keçən şəxs;
• Ən azı 3 il hərbi xidmətdə olan (müddətli həqiqi hərbi xidmətdə olan hərbi qulluqçulardan başqa), həmçinin ehtiyata və istefaya buraxılmış Azərbaycan Respublikasının hərbi qulluqçuları (“Hərbi vəzifə və hərbi xidmət haqqında” Azərbaycan Respublikası Qanununun 41.0.6-cı, 41.0.7-ci, 41.0.8-ci, 41.0.10-cu, 42.0.3-cü, 42.0.4-cü və 42.0.5-ci maddələrində nəzərdə tutulan hallarda ehtiyata və ya istefaya buraxılmış hərbi qulluqçular istisna olmaqla);
• Ən azı 3 il daxili işlər orqanlarında xidmət keçən xüsusi rütbəsi olan şəxs;
• Ən azı 3 il elmi vəzifədə işləyən elmi işçilər;
• Ən azı 15 il dövlət ümumi təhsil müəssisəsində müəllim işləyən şəxs.

Qeyd: Güzəştli ipoteka kreditindən istifadə etmək hüququ olan ailə və ya şəxs bu hüquqdan yalnız bir dəfə istifadə edə bilər.